عندك حلم؟ .. طبعاً عندك حلم .. حلم كبير ولا صغير؟ .. طيب نفسك تحققه؟ .. عندك الإمكانيات إنك تحققه؟ .. نفسك تشتغل فى وظيفة كبيرة؟ .. طيب حلمك إنك تشترى عربية؟ .. ولا نفسك تعيش فى أوروبا؟ .. طيب عايز تفتح مشروع وتكون مدير نفسك؟ .. ولا عايز فيلا فى الساحل الشمالى؟ ..
مها كان حلمك كبير ولا صغير أو حتى أنت شايف أنك صعب تحققه .. طيب شوف كده ال 50 نصيحة اللى هتفيدك أنك تاخد الخطوة فى تحقيق أحلامك مهما كان حجمها .. بس متنساش بعد ما تقرأ النصائح دى .. أنك تبدأ فى التنفيذ فوراً ..
1. لازم تتأكد الأول أن حلمك يستاهل إنك تتعب علشانه.
2. إتعلم من تجارب الأخرين اللى حققوا نفس حلمك وشوف إزاى هما وصلوا للنتائج اللى أنت شايفها.
3. إنك تعيش حلمك قبل ما تبدأ فى تحقيقه، هو فى حد ذاته خطوة إيجابية.
4. إدرس المجتمع اللى أنت عايش فيه، وأستغل الفرص المتاحة.
5. إبتعد عن أى شئ يأثر عليك بصورة سلبية.
6. هتلاقى طاقة إيجابية جواك أول ما تفكر فى إنك تبدأ تاخد خطوة فى التنفيذ.
7. إستغل قدراتك وخبراتك.
8. فى ناس عايزة تحقق أحلامها، لكن تلاقيها إفتكرت ماضى مؤلم، وبسرعة يحبطوا !!، على العكس إنك تقدر تستغل الجانب الإيجابى من الماضى وتستغله فى تحقيق حلمك.
9. حلمك هو حلمك أنت لوحدك، وفى ناس بتعتبره رساله ليها فى الحياة، فحاول قدر المستطاع إنك تبدأ فى تحقيقه من دلوقتى.
10. إنك تعيش حلمك من دلوقتى، هيساعدك كتير جداً فى أنه يقضى على الإحباط اللى جواك، وتكتسب طاقة إيجابية كبيرة جداً.
11. دور جوه نفسك هتلاقى إنك تمتلك كل الوسائل والأدوات اللى هتساعدك فى أنك تحقق اللى نفسك فيه، حتى لو أنت شايف أنه صعب تحقيقه.
12. لازم ترتب أمورك وأولوياتك، ومتحاولش إنك تشتت نفسك.
13. علشان تقدر تشوف حلمك بيتحقق، لازم تمتلك الشجاعة إنك تواجه أى تحديات تواجهك.
14. هتكون قدوة لغيرك لما يشوفوك بتسعى إنك تحقق طموحك وحلمك، وعلشان كده لازم تبدأ صح.
15. متستناش أن تكون النتيجة إيجابية فى الأول، ومش عيب أنك تفشل مرة وأتنين وعشرة.
16. خد بالك، الفشل أول طريق للنجاح..بس أنت مش فاشل.
17. لازم تتأكد أن الأحلام بتتغير مع الوقت، وعلشان كده أسال نفسك كل يوم (ما هو حلمى اليوم؟).
18. أنت محظوظ لو كان عندك حلم أو امنية نفسك تحققها، وده سبب بسيط يخليك تعيش فى الحياة بإيجابية.
19. شجع الأطفال إللى حواليك انهم يكتشفوا المواهب إللى جواهم، وأنت هتكون بالنسبالهم قدوة، وده اللى هيعطيك طاقة إنك تسعى ورا تحقيق حلمك.
20. تحقيق الحلم ممكن يتطلب إجراء بعض التغييرات فى أسلوب حياتك، عادى أعمل المستحيل فى سبيل إنك توصل.
21. هتلاقى الناس بتحبطك وبتحاول تبعدك عن طريقك لتحقيق حلمك، أنت كمّل وعيش حلمك على أى حال.
22. خليك صانع أحلام، وساعد غيرك فى أنه يخلق لنفسه حلم يعيش علشانه.
23. خليك مؤمن بحلمك.
24. ناضل من أجل حلمك، وأقتل العقبات اللى تواجهك.
25. القيام بما يلزم لتحويل حلمك لحقيقة.
26. بعض الأحلام ليس لها معنى فى البداية، ولكن مع بداية ظهورها للنور هتكتشف أنها حاجة كبيرة مكنتش تتوقعها.
27. بعض الأحلام والأمنيات بتاخد وقت طويل علشان تتحقق، لكن تقديراً لتلك الأحلام، عليك بالصبر والمثابرة، فإنها تستحق العناء.
28. خللى حلمك كبير...كبير فوق ما تتخيل.
29. إحلم كل يوم حلم جديد.
30. خللى أحلامك مستحيلة...أيوة إحلم بالمستحيل،، مش عيب.
31. على الأقل إفعل شيئاً واحداً فى اليوم من أجل تحقيق حلمك.
32. إستمتع وأنت بتعيش حلمك، وأرسم الإبتسامة دائماً.
33. أوعى تخاف من حلمك، الأحلام مش بتخوّف، إنت إللى ممكن تخليها تبقى كده.
34. متحاولش تخفى حلمك، وأحكيه لغيرك.
35. ممكن حلمك البسيط لو حققته، يحققلك أكبر وأكثر مما تتوقع، علشان كده خليك طموح.
36. حلمك هو الحلم المثالى لك، متحاولش تستهر بتحقيقه.
37. طالما قدرت تحقق أصغر أحلامك، هتقدر كمان تحقق أكبر أحلامك، بس أنت إتحرك.
38. إحلم دلوقتى، بكرة، بعده، الأحلام فى أى وقت.
39. أوعد نفسك أنك هتحقق حلمك وغايتك وطموحك، ومتستسلمش.
40. إحلم بالأحلام الجميلة.
41. خليك صبور على كل خطوة بتاخدها.
42. متحاولش تستعجل الوقت فى إنك تشوف النتائج.
43. خليك واثق فى كل خطوة بتاخدها.
44. نظم وقتك وأعمل جدول يومى بالأمور إللى هتنفذها يومياً.
45. مفيش حاجة واحدة بس أو طريق واحد بس إللى هيحققلك حلمك..الطرق والأدوات كثيرة جداً، فقط ابحث عنها.
46. دائماً أستعن بالله.
47. حدد هدفك فى بداية كل يوم.
48. حاول تحفيز نفسك بشتى الطرق الممكنة.
49. ضع إستراتيجية مناسبة للعمل على تحقيق هدفك.
_____________________________________________________________________________
